Ұлт жоспары: Жергілікті полиция қоғамдағы қылмыспен күресте негізгі рөл атқаруы керек
АСТАНА. ҚазАқпарат - Мемлекет басшысы Нұрсұлтан Назарбаевтың бес институционалдық реформасын жүзеге асыру бағытындағы «100 нақты қадам» Ұлт жоспарында есеп беретін мемлекеттік билікті қалыптастырудың ауқымды шаралары қамтылғаны белгілі. Соның бір парасы - жергілікті қауымдастық алдында есеп беретін жергілікті полиция қызметін құру. Мемлекет басшысы осы мәселені көп жағдайда тәртіп сақшыларының ұры-қарылармен сыбайласып, соның салдарынан көптеген қылмыстардың ашылмай қалатынымен байланыстырған болатын. Сондықтан да, жергілікті полиция қызметіне қатысты реформа қоғамдағы заң үстемдігін дамыту үшін аса өзекті. Бұл бағыттағы заңды бүгін Парламент қабылдады. Ендеше, жаңа заңнама аясындағы жаңалықтарға тағы бір мәрте үңіліп көрсек.