Алматыда Алмалы ауданының әкімдігі танымал муралды қалпына келтіруге уәде берді, - деп хабарлайды Tengrinews.kz тілшісі.
"Мердігер компания мен мурал авторлары арасында биыл 21 қазанынан бастап авторлық қадағалау және кескінді қалпына келтіру бойынша уағдаластық бар. Компания муралды өз қаражаты есебінен қалпына келтіреді", - деп хабарлады аудан әкімдігі.
Сурет: Tengrinews.kz/Айнаш Өндіріс©
Сондай-ақ, шенеуніктер Сейфуллин даңғылы, 565 мекенжайындағы тұрғын үйдің қасбеті жөнделуі керек болғанын айтты.
"Бұл жұмыстарды "Орион" ЖШС мердігер компаниясы жүргізіп жатыр. "Ожидание" муралы салынған қабырғаның жекелеген элементтері опырылып, түсі оңып кеткен", - деді әкімдіктегілер.
Жергілікті атқарушы орган мәліметінше, мердігер тұрғын үйдің қасбетін демонтаждау және дайындық жұмыстарының 50 пайызын аяқтаған.
Еске салайық, бұған дейін Алматы орталығындағы танымал муралдардың бірі өшірілгені белгілі болған еді.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
