Орталық сайлау комиссиясы Қасым-Жомарт Тоқаевтың президенттікке үміткерлерге қойылатын талаптарға сай екенін айтты, - деп хабарлайды Tengrinews.kz тілшісі.
"Президенттікке үміткер Тоқаев Қасым-Жомарт Кемелұлының Конституцияда және "Сайлау туралы" конституциялық заңда белгіленген талаптарға сәйкес келетіні белгіленсін. Кандидатты қолдауға қол жинау үшін қажет мөлшерде қол қою парақтары берілсін", - делінген ОСК қаулысында.
ОСК отырысында құқық қорғау органдарының да кандидатқа қатысты ешқандай түсініктемелері жоқ екені айтылды.
Айта кетейік, заң бойынша қазіргі Президентке мемлекеттік тілді білуге емтихан тапсыру қажет емес.
Еске салайық, Қазақстанда кезектен тыс президент сайлауы 2022 жылғы 20 қарашада өтеді.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
