Индустриялық даму қоры 4 пайыздық жеңілдетілген автонесие бағдарламасын қаржыландыру туралы айтты, - деп хабарлайды Tengrinews.kz тілшісі.
Қор Еуразиялық банк пен Қазақстан Халық банкіне жеңілдетілген автонесиелерді қаржыландыру бағдарламасы бойынша кезекті транштарды бөлу туралы хабарлады.
Бөлінген лимиттер мөлшері:
"Евразиялық банк" АҚ - 10 миллиард теңге;
"Қазақстан Халық банкі" АҚ - 7,5 миллиард теңге.
Бағдарлама бойынша қатысушы банктерге барлығы 90 миллиард теңге аударылған.
"Бүгінде қатысушы банктер жалпы сомасы 82 миллирад теңгеге 10 888 өтінімді мақұлдап, 4 847 автокөлік берді. Жалпы сомасы 90 миллиард теңгенің бөлінбеген лимиті - 8 миллирад теңге.
Осы сома шегінде автонесие алуға өтінішті тек "Еуразиялық банк" АҚ мен "Қазақстан Халық банкі" АҚ қабылдайды. Бағдарламаға қатысушы қалған банктер бөлінген лимиттерді толық игерді", - делінген хабарламада.
Айта кетейік, бұған дейін банктер жеңілдетілген несие бойынша автокөлік сатып алуға өтінім қабылдау уақытша тоқтағанын хабарланған болатын.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
