Ресейде Алексей Навальныйды және басқа да саяси тұтқындарды қолдау акциялары болып жатыр. Наразылық шаралары Германиядан Отанына емделіп келген оппозиционердің тұтқындалуына байланысты басталды, - деп хабарлайды Tengrinews.kz тілшісі Deutsche Welle неміс сайтының орыс тіліндегі нұсқасына сілтеме жасап.
23 қаңтарда таңертең Ресей қалаларында мыңдаған тұрғын көшеге шықты. Олар қамауға алынған оппозициялық саясаткер Алексей Навальныйды және басқа да саяси тұтқындарды қолдау үшін наразылық шараларын өткізді.
Хабаровскіде таңғы сағат 8.30-да Ленин алаңындағы митингіге 700-ге жуық адам жиналды. Олар Ресей президенті Владимир Путиннің бірнеше суретін алаңға шашырып, шашып тастады. Кейін мегафондары бар полицейлер қатысушыларға Хабаровскідегі акция алдын ала билікпен келісілмегенін және оны таратуды талап етті.
Ерекше мақсаттағы милиция жасағы алдымен жиналғандарды алаңнан шығаруға тырысты. Кейін сағат 9.30-ға қарай наразылық білдірушілерді жеке-жеке ұстай бастады. Ал айналасындағы адамдар оларға "Фашистер!" деп айғайлады.
"Навальныйдың жергілікті штабы олардың тікелей эфирін 10 мың адам қарап отырғанын айтты. Белсенділердің айтуынша, мұндай жағдай қамауға алынған экс-губернатор Сергей Фургалды қолдау үшін жазда ұйымдастырылған митингілерден бері болған жоқ", - деп жазылған басылымда.
Акция в Хабаровске началась. К одной из журналисток подошли полицейские и потребовали документы и редакционное задание. После проверки редзадания и поиска по «базе» ее оставили в покоеhttps://t.co/XjBP7NgrlO
— ОВД-Инфо (@OvdInfo) January 23, 2021
Осыдан кейін Ленин алаңындағы акция жаппай шеруге ұласты. Хабаровскідегі жүздеген адам көрші алаңға кетті, бірақ қарулы күштер оларды сол жерден қуып жіберді.
Оппозицияның жергілікті штабының хабарлауынша, ұсталғандардың арасында екінші топтағы мүгедек әйел болған. Наразылық білдірушіні ұрып-соғу дерегі туралы да айтылды. Сонымен қатар, полиция Хабаровскінің заң шығарушы думасының депутаты Максим Кукушкинді де ұстап әкеткен.
ОМОН хватает отдельно стоящих людей. Держитесь вместе! pic.twitter.com/jeI0hRuuKk
— Штаб Навального во Владивостоке (@teamnavalny_vdk) January 23, 2021
Владивостокта да акцияға қатысушылардың жаппай ұсталғаны туралы хабарланды.
Ал Мәскеуде наразылық шарасына бірнеше сағат қалғанда Пушкин алаңы толығымен қоршалды.
Полиция уже подготовилась к завтрашней акции в Москве: Пушкинская площадь полностью перегорожена, попасть на нее завтра, очевидно, будет невозможно.Фото: Дмитрий Кочанов / @SotaVision >> pic.twitter.com/4BDyekAzm5
— SOTA (@SotaVision) January 22, 2021
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
