Алматы тұрғыны елордада қарақшылық шабуыл жасау кезінде өзінің түрін жасыру үшін қасының пішінін өзгерткен, - деп хабарлайды Tengrinews.kz тілшісі қалалық полиция департаментінің баспасөз қызметіне сілтеме жасап.
Полицейлердің мәліметінше, елордалық айырбастау пунктінің 39 жастағы қызметкері 102 нөміріне қоңырау шалып, белгісіз біреудің бөлмеге кіруге тырысып, пышақпен қорқытқаны туралы хабарлаған.
"Әйел есікті ашқанда сол жағалаудағы айырбастау пунктіне медициналық маскадағы жігіт баса көктеп кірген. Пышақпен қорқытып, ақшаны иемденуге тырысқан, бірақ әйел қатты айғайлай бастаған, содан кейін ер адам қорқып, қашып кеткен", - деді тәртіп сақшылары.
Кейінірек полицейлер осы қылмысқа 29 жастағы Алматы тұрғынының қатысы барын анықтады, ол Нұр-Сұлтанда тәулікке жалға берілетін пәтерде тұрған.
"Жігіт қылмыс жасауға мұқият дайындалып, ол жақтан қашып кету жолдарын ойластырды. Ол тіпті қасының пішінін өзгертіп, оларды біріктіріп, жүрісін өзгертті. Елордалық полицейлер күдіктінің белгілері бар бағдарлар жасап, тұратын жерін анықтады", - деді ведомство өкілдері.
Ер адам тұрғылықты жері бойынша Алматыға кетіп, жасырынып үлгерген. Осы дерек бойынша қылмыстық іс қозғалды. Күдікті Нұр-Сұлтанда уақытша ұстау изоляторында.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
