21 қазанда Өзбекстанның оңтүстігіндегі Қашқадария облысының Гузар ауданында Uzbekistan GTL зауытын салып жатқан мыңдаған жұмысшы бүлік шығарды.
Азаттықтың Өзбек қызметінің қолына түскен виедода 5 мыңға жуық жұмысшының зауыт ғимаратына күшпен басып кіргені байқалады. Видеотаспадан жиһаздар мен компьютерлердің қирап жатқаны көрінеді.
Оқиға орнындағы кей жұмысшылар Азаттыққа бүлікті басу үшін Гузор ауданына ұлттық ұлан мен полиция келгенін айтты.
Әзірге жапа шеккендер туралы мәлімет түскен жоқ.
Аты-жөнін атамауды сұраған жұмысшылардың бірі Азаттық тілшісіне оқиғаның себебін айтып берді. Оның сөзінше, 20 қазанда жұмыс беруші Enter Engineering компаниясы жұмысшыларға кешкі ас бермеген. Бұл онсыз да жалақысын алмай жүрген жұмысшыларды ашуландырған.
Ташкентте орналасқан компанияның ресми өкілі Азаттыққа оқиғаның себебін түсіндірді. Оның айтуынша, асхананың электронды құлыптау жүйесі істемей қалғандықтан, жұмысшылар есікті аша алмай, содан бүлік шығарған.
Өзбекстан бас прокуратурасының баспасөз хатшысы Хайот Шамсутдинов оқиғаның жай-жапсары анықталып жатыр деді.
GTL зауыты – аймақтағы синтетикалық сұйық отын өндіруге бағытталған ең инновациялық жобалардың бірі.
