Қазақстанның солтүстігіндегі кентте туып-өскен Айя Балтабек үш жарым жыл бұрын ағылшын тілін білмесе де, АҚШ-қа барып, бағын сынап көрген. Қазір ол Нью-Йоркте көші-қон мәселесі бойынша кеңесші болып істейді. Айя Азаттық тілшісіне АҚШ-та қалып қою ниетімен қоныс аударатын қазақстандықтар мен олардың жақын-туыстарын көшіріп алуға талпынысы туралы айтып берді.