Ауыл шаруашылығы министрлігінің бастамасы «Қазақстанда жасалған» өнімдерді ұлағайта ма
АСТАНА. ҚазАқпарат - Ауыл шаруашылығы министрлігі отандық өнімнің көлемін арттырудың тың жолын тапқан тәрізді. Енді, агроөнеркәсіп саласында өнім өңдейтін кәсіпорындар жеңілдетілген несие алып қана қоймай, сан алуан техникалық құрал-жабдықтарды 25 пайыздық жеңілдікпен сатып алатын болады. Алайда бұндай жеңілдікті иеленетін тізімге агрофирмалардың бәрі бірдей іліккен жоқ. Министрлік нақты тоғыз бағыт бойынша 400-ден астам кәсіпорынды таңдапты.