«Туған жер» бағдарламасын жүзеге асыруды сөзбұйдаға салар уақыт жоқ - Ерлан Сыдықов
АСТАНА. ҚазАқпарат - ҚР Президенті Нұрсұлтан Назарбаевтың «Болашаққа бағдар: рухани жаңғыру» атты бағдарламалық мақаласы жарық көргеннен кейін ондағы айтылған басты идеяларды жүзеге асыруға бағытталған жұмыстар басталып та кетті. Ұлттық жаңғыру жөніндегі арнайы комиссия да құрылып, оның аясында 6 жұмыс тобы айқындалып, 6 жоба бекітілгені белгілі. Оның бірі «Туған жер» деп аталады. «ҚазАқпарат» тілшісі аталған жобаның жетекшісі, Л.Н.Гумилев атындағы Еуразия ұлттық университетінің ректоры Ерлан Сыдықовқа жолығып, бағдарлама аясында атқарылған жұмыстар мен алдағы жоспарлар жайында білуге тырысқан еді.