საგარეო საქმეთა მინისტრმა მიხეილ ჯანელიძემ საქართველოში დაბრუნების მსურველ მოქალაქეებზე ისაუბრა: „ჩვენი საკონსულოს წარმომადგენლები სტამბოლში აეროპორტში არიან. ისინი აწვდიან მათ როგორც საკვებს, ასევე საჭირო საგნებს, მედიკამენტებს და სხვა“, – განაცხადა მიხეილ ჯანელიძემ. მისი თქმით, სტამბოლის აეროპორტში თურქეთიდან საქართველოში გამოფრენას ელოდება ერთი ჯგუფი და ასევე უკვე ირკვევა მეორე რეისის გამოფრენის დროც.
