რეგიონებში გაკეთებული პროექტების შესახებ სარეკლამო რგოლში 190 ათასი დაიხარჯება
"არაერთ მუნიციპალიტეტში გამოვლინდა როგორც ვანდალიზმის, ისე ახლად მოწყობილი ინფრასტრუქტურის არასათანადო მოპყრობის ფაქტები. ასეთი ფაქტები, დამატებით ხარჯებთან ერთად, იწვევს პროგრამის და მისი განმახორციელებელი უწყების დისკრედიტაციას. ნათელი გახდა, რომ საჭიროა მოსახლეობამ უკეთ გააცნობიეროს განახლებული ინფრასტრუქტურის მოვლა-შენახვაში მათი ჩართულობის საჭიროება და მნიშვნელობა", - ასე ხსნის მუნიციპალური განვითარების ფონდი ვიდეორგოლის გადაღების აუცილებლობას.
შპს "სეტერს ფილმსი" შეთავაზებულ სცენარში აღნიშნავს, რომ ვიდეორგოლში ნაჩვენები იქნება "განახლებული რეგიონების პროექტის დადებით გავლენა ადგილობრივების ყოველდღიურობაზე":
"სხვადსხვა პერსონაჟის ავთენტური თხრობის მანერის შესაბამისად, კადრში ჩანს მხატვრული გადაწყვეტები. მეტი აქცენტი კეთდება განწყობაზე, თუმცა დეტალებში იკვეთება ლამაზი, მოწესრიგებული, მოპირკეთებული გარემო. რგოლის ნახვის შემდეგ, უნდა დარჩეს განცდა, რომ პატარ-პატარა განახლებები ადამინების განწყობას ცვლის უკეთესობისკენ".
ამ ვიდეორგოლების განთავსება იგეგმება სატელევიზიო ეთერებშიც. სწორედ ასე აპირებს ინფრასტრუქტურის სამინისტრო სამიზნე აუდიტორიის მოცვას.