დღეს დილით ტაჯიკეთში მოხდა ძლიერი მიწისძვრა, რომლის ეპიცენტრი ქვეყნის აღმოსავლეთში მდებარეობდა. ევროპის სეისმური მონიტორინგის ცენტრის მონაცემებით, მიწისძვრის მაგნიტუდა 6.8 იყო, ხოლო ჩინეთის ცენტრის ინფორმაციით, 7.2.
მიწისძვრა ადგილობრივი დროით 05:40 საათზე მოხდა. რადიო თავისუფლების ტაჯიკური სამსახურის ცნობით, დედაქალაქ დუშანბეში რყევა დაახლოებით 20-25 წამის განმავლობაში გაგრძელდა. ინფორმაცია მსხვერპლის და ნგრევის შესახებ ჯერჯერობით არ გავრცელებულა. მიწისქვეშა ბიძგები იგრძნობოდა ჩინეთში, ყირგიზეთში, უზბეკეთში, ავღანეთსა და პაკისტანშიც.
6 თებერვალს მომხდარი დამანგრეველი მიწისძვრის შედეგად 48 000-ზე მეტი ადამიანი დაიღუპა თურქეთსა და სირიაში.
