გორში მშენებარე კორპუსიდან მუშა გადმოვარდა. ადგილზე მისულ სასწრაფო დახმარების ჯგუფს კაცი გარდაცვლილი დახვდა.
შემთხვევა დღეს, 13 თებერვალს, დაახლოებით 17:00 საათზე მოხდა. სხვა დეტალები უცნობია.
საქმეზე გამოძიება დაიწყო შინაგან საქმეთა სამინისტრომ სისხლის სამართლის კოდექსის 240-ე მუხლით. ამ მუხლით სისხლის სამართლებრივი პასუხისმგებლობა სამშენებლო უსაფრთხოების წესების დარღვევისთვის დგება.