რუსეთის პრეზიდენტი ვლადიმირ პუტინი თვითმფრინავის ნაცვლად, სულ უფრო ხშირად მატარებლით მოგზაურობს. რისთვისაც ის დაჯავშნილ სპეცშემადგენლობას იყენებს, - ირწმუნება საგამოძიებო ცენტრი „დოისე“.
როგორც გამოძიებაშია ნათქვამი, სპეცმატარებელი 2015 წელს გამოუშვეს. თუმცა, მისით პუტინი, რეგულარულად, 2021 წლიდან სარგებლობს - როცა რუსეთის არმიამ უკრაინაში შეჭრის სამზადისი დაიწყო. „დოსიე“ პუტინის ნაცნობს ეყრდნობა, რომლის ვინაობაც საიდუმლოა. წყარო პრეზიდენტის ადმინისტრაციასთან დაახლოებული ადამიანია.
„მატარებელი შეიძლება მოულოდნელად დაიძრას, წინასწარი შეტყობინების გარეშე. ომის დაწყების შემდეგ, თებერვალ-მარტში პუტინი აქტიურად სარგებლობდა მატარებლით, განსაკუთრებით ვალდაის რეზიდენციამდე მისასვლელად“,- ციტირებს „დოსიე“ წყაროს.
ირწმუნებიან, რომ შემადგებლობა საიდუმლო მიზნებისთვის გამოიყენება, ვინადან პრეიზდენტის თვითმფრინავის მარშრუტის დადგენა ონლაინ სერვისების მეშვეობითაა შესაძლებელი. რაც შეუძლებელია მატარებლების შემთხვევაში.
არასოდეს გამოქვეყნებულა მატარებლის ფოტო, ისევე როგორც თავად პუტინისა ამ მატარებლით მგზავრობისას. რუსეთის სახელმწიფო მეთაურის მატარებელს, თითქმის არაფერი განასხვავებს რუსეთი რკინიგზის სხვა ვაგონებისგან, მიუხედავად იმისა, რომ რიგი განსაკუთრებული მახასიათებლები აქვს.
„დოსიე“ აქვეყნებს მატარებლის შემადგებლობის ფოტოს, რომლითაც სავარაუდოდ, სარგებლობს რუსეთის პრეზიდენტი. ვაგონებზე გამოსახულია კომპანია „გრანდ სერვის ექსპრესის“ ემბლება. როგორც იწმუნებიან, კომპანია პუტინის მეგობართან იური კოვალჩუკთანაა დაკავშირებული.
მატარებლის საპრეზიდენტო ვაგონი დაჯავშნილია და მისი განრიგი „პუტინზეა მორგებული, რათა შემადგენლობამ მაქსიმალური სიჩქარე განავითაროს გაჩერებების გარეშე“. მატარებლის შემადგენლობაშია პრეზიდენტის მოსასვენებელი და სათათბირო ვაგონები, ასევე ვაგონები თანმხლებთათვის და სპეცკავშირისთვის, - ნათქვამია გამოძიებაში.
ჩვეულებრივი ვაგონებისან სპეცშემადგენლობის გარჩევა შესაძლებელია სპეცკავშირის ანტენებით. გამოძიების თანამხად, შემადგენლობას ერთდროულად სამი კოლომიტივი მართავს.
ჩინეთსა და რუსეთში მოგზაურობისას სპეციალური დაჯავშნილი ვაგონები გამოიყენა ჩრდილოეთ კორეის ლიდერმა კიმ ჩენ ინმა.
