ვანო მერაბიშვილი უკვე დიდი ხანია ჩართულია ბრძოლაში, რომლის მიზანია უკრაინის დეოკუპაცია, უკრაინის ომში გამარჯვება. არაერთხელ განაცხადა, რომ არ აინტერესებს არანაირი თანამდებობები საქართველოში და ის, როგორც რიგითი წევრი მხარს უჭერს„ნაციონალურ მოძრაობას“, – ამის შესახებ დიმიტრი შაშკინმა განაცხადა.
„ვანო მერაბიშვილი „ერთიანი ნაციონალური მოძრაობის“ ერთ-ერთი დამფუძნებელია, თუმცა ახლა ჩართულია პარტიის საქმიანობაში, როგორც ყველა ჩვენგანი, რიგითი წევრის სტატუსით“, – განაცხადა შაშკინმა.
შინაგან საქმეთა ყოფილმა მინისტრმა, ვანო მერაბიშვილმა გადაცემა „ფეიგინ ლაივში“ განაცხადა, რომ „დასავლეთის ზეწოლა უნდა წარიმართოს შიდა პროტესტების პარალელურად, რაც მეტი იქნება შიდა პროტესტი, დასავლელი მეგობრები უფრო გაბედულად იმოქმედებენ“.