უკრაინის პრეზიდენტი ვოლოდიმირ ზელენსკი თავის ტრადიციულ ვიდეომიმართვაში ამბობს, რომ ამ კვირაში მან არაერთი მადლიერების სიტყვა უთხრა უკრაინის მოკავშირეებსა და პარტნიორებს, ყველას, ვინც დღეს მათ ქვეყანას ეხმარება.
„ახლა კი მადლობის სიტყვები მინდა გითხრათ თქვენ, უკრაინელებო - განაცხადა ზელენსკიმ, - ჩემთვის ყოველთვის პატივია წარმოვადგენდე უკრაინას. ვამაყობ ჩვენი ლამაზი და ძლიერი ხალხით. თქვენ ხედავთ, როგორ ესალმებიან უკრაინას. და არის ის, რაც ჩვენ ყველამ ერთად გავაკეთეთ“.
ზელენსკი აცხადებს, რომ ამაყობს უკრაინული გამბედაობით. ამაყობს უკრაინის გამძლეობით. ყველა იმ ადამიანით, ვინც იბრძვის და შრომობს თავისი ქვეყნისთვის და ვინც ფრონტს და სახელმწიფოს მხარს უჭერს.
