დონეცკის ოლქის ბახმუტის რაიონის დაბომბვის შედეგად ორი ადამიანი დაიღუპა და 13 მშვიდობიანი მოქალაქე დაშავდა, – ინფორმაციას უკრაინული მედია ავრცელებს.
უკრაინის გენერალური პროკურატურის ცნობით, დაწყებულია წინასწარი გამოძიება ომის კანონების დარღვევის გამო.
გამოძიების ინფორმაციით, 6 იანვარს რუსეთის ფედერაციის საოკუპაციო ჯარებმა ბახმუტის საარტილერიო დაბომბვა განახორციელეს.
„საცხოვრებელი უბნების წინააღმდეგ ნაღმმტყორცნებიდან გახსნილი ცეცხლის შედეგად დაიღუპა 66 წლის მამაკაცი და 61 წლის ქალი. 13 ადამიანმა სხვადასხვა სახის ჭრილობა მიიღო”, – აცხადებენ გენერალურ პროკურატურაში.
