G20-ის სამიტზე აშშ-ის პრეზიდენტი ჯო ბაიდენი რუსეთის საგარეო საქმეთა მინისტრ სერგეი ლავროვთან შეხვედრას არ გეგმავს, – ამის შესახებ თეთრი სახლის წარმომადგენელმა ჯეიკ სალივანმა განაცხადა.
მისივე თქმით, ბალიზე რუსეთის პრეზიდენტ ვლადიმერ პუტინის არყოფნა ბაიდენის დღის წესრიგზე გავლენას არ მოახდენს.
„პრეზიდენტი რუსეთის საგარეო საქმეთა მინისტრთან შეხვედრას არ გეგმავს. პრეზიდენტი ინდონეზიაში მიემგზავრება თავისი დღის წესრიგის შესრულებისთვის და ამას გააკეთებს იმის მიუხედავად, თუ რა შემადგენლობით იქნება რუსეთი წარმოდგენილი“, – განაცხადა სალივანმა.
ცნობისთვის, ინდონეზიის კუნძულ ბალიზე G20-ის სამიტი 15-16 ნოემბერს გაიმართება.
