ევროპის კომისიის თავმჯდომარემ, ურზულა ფონ დერ ლაიენმა, რომელიც კიევში 15 სექტემბერს ჩავიდა და შეხვდა უკრაინის პრეზიდენტს, ვოლოდიმირ ზელენსკის, განაცხადა, რომ უკრაინა ევროპის კავშირში შესასვლელად „სწორი გზით მიდის“.
ევროპის კავშირის ლიდერი, რომელიც მესამე ვიზიტად იმყოფება კიევში უკრაინაში რუსეთის სრულმასშტაბიანი შეჭრის შემდეგ, გაოცებული იყო იმ სისწრაფით, რომლითაც მიიწევს წინ უკრაინის მისწრაფება ევროპის კავშირში შესასვლელად. "გაწევრიანების პროცესი სწორ გზას ადგას. შთამბეჭდავია სისწრაფე, მყარი გადაწყვეტილება, სიზუსტე, რომლითაც თქვენ წინ მიიწევთ", განაცხადა ფონ დერ ლაიენმა ზელენსკისთან ერთად კიევში გამართულ პრეს-კონფერენციაზე.
მან დასძინა, რომ ევროპის კავშირმა რაც შეიძლება მეტი უნდა გააკეთოს იმისთვის, რომ უზრუნველყოს უკრაინისთვის "მეტი ბიზნესი, მეტი შემოსავალი". ზელენსკიმ განაცხადა, რომ უკრაინას სურს, შეუერთდეს ევროპის საერთო ბაზარს, სანამ მიღებული იქნება გადაწყვეტილება კიევისთვის ევროპის კავშირის სრულუფლებიანი წევრობის მინიჭების შესახებ.
ევროპის კავშირის წევრობისკენ გზაზე, უკრაინისთვის აქტუალური საკითხია ევროპის კავშირის საერთო ბაზართან შეერთება. მან თქვა, რომ ის "დარწმუნებულია, რომ ეს მოხდება და ეს ჩვენი ქვეყნის ერთ-ერთი ყველაზე მნიშვნელოვანი გამარჯვება იქნება".