ჟიზელ ბუნდჰენი იმ გადაწყვეტილების შესახებ საუბრობს, რომელიც პოდიუმიდან წასვლის შესახებ მიიღო. მისი სურვილი იყო, დრო მთლიანად ოჯახისთვის დაეთმო. ELLE-ის ოქტომბრის ნომრის ინტერვიუში ჟიზელი ამბობს, “მე შევასრულე ჩემი წილი მოვალეობა, რაც არის ბრედის გვერდით ყოფნა. გადავედი ბოსტონში და ყურადღება გავამახვილე იმაზე, რომ შემექმნა სიყვარულით სავსე გარემო ჩემი შვილებისთვის. მხარი დამეჭირა მათთვის და მათი ოცნებებისთვის”.
„როდესაც ვხედავ, რომ ჩემი შვილები ლამაზ პიროვნებებად ყალიბდებიან, როდესაც ვუყურებ ბრედის წარმატებას, ეს ბედნიერ ადამიანად მაქცევს”, – ჟიზელი ამბობს, რომ უზარმაზარი სია აქვს იმ მიზნებისა, რომლის განხორციელებაც სურს და თვლის, რომ ახლა ყველაზე ახლოსაა მათთან.
ჟიზელ კაროლინ ბუნდჰენი 1980 წელს ბრაზილიაში დაიბადა. იგი ეპოქალური სუპერმოდელი და თაობის უდიდესი ვარსკვლავია. სწორედ მისი დებიუტით დაიწყო მსოფლიო პოდიუმზე ბომბშელების ახალი ერა. ჟიზელს “ვოგის” რეკორდული რაოდენობის გარეკანი აქვს დამშვენებული. იგი ცნობილია სიარულის განსაკუთრებული მანერით, შთამბეჭდავი გარეგნობით, ჯანსაღი ცხოვრების წესით, საქველმოქმედო საქმიანობებით. ბუნდჰენი წლების განმავლობაში მსოფლიოს ყველაზე მაღალანაზღაურებადი მოდელი იყო.
წყარო: people.com
ფოტო: popculture.com
