ბელგრადში დანიშნული პანევროპული ლგბტ ღონისძიების ორგანიზატორებმა 12 სექტემბერს ევროპრაიდის კვირა ცისარტყელის დროშებით და მოკლე გამოსვლებით გახსნეს, მიუხედავად გასულ თვეში ღონისძიების მთავრობის მხრიდან აკრძალვისა.
ღონისძიების დაუმორჩილებელმა გახსნამ ინციდენტების გარეშე ჩაიარა, მიუხედავად რელიგიური და ნაციონალისტური ჯგუფების მუქარებისა და პრეზიდენტ ალექსანდარ ვუჩიჩის მიერ გასულ თვეში გამოთქმული გაფრთხილებისა, რომ ღონისძიება არ ჩატარდებოდა, თუმცა მისი გამართვის ნებართვა სამი წლის წინ იყო გაცემული.
ევროპრაიდის ორგანიზატორთა ასოციაციის პრეზიდენტმა, კრისტინა გარინამ ტვიტერით დაწერა, რომ ღონისძიება დაიწყო, და მიესალმა ბელგრადის პრაიდის ორგანიზაციის წევრების "ერთგულებას და მიზასწრაფვას ღონისძიების ორგანიზებისას".
ერთმანეთთან მეტნაკლებად დაკავშირებულმა მემარჯვენე ჯგუფებმა, როგორებიცაა "დვერი" და ეროვნული პატრული, სერბეთის მართლმადიდებელი ეკლესიის და მისი პატრიარქის მხარდაჭერით ბელგრადში 11 სექტემბერს გამართეს საპროტესტო აქცია და "ლიტურგია", რათა მთავრობას ევროპრაიდი დაებლოკა. აქციებში ჩაერთო ათასობით ადამიანი, რომლებიც აცხადებდნენ კონტრდემონსტრაციებსა და სხვა ნაბიჯებზე, ევროპრაიდის ჩატარების შემთხვევაში.
ევროპრაიდის ღონისძიება იმართება ლესბოსელი, გეი, ბისექსუალი, ტრანსგენდერი ადამიანების მხარდასაჭერად პანევროპულ დონეზე და მას 1992 წლის შემდეგ ევროპის სხვადასხვა ქალაქი მასპინძლობს. ღონისძიებაში რამდენჯერმე მილიონ ადამიანზე მეტმა მიიღო მონაწილეობა.
