ფემიციდი არის ადამიანის სიცოცხლის, თავისუფლების და პირადი უსაფრთხოების ძირითადი უფლებების დარღვევა, ასევე სოციალური და ეკონომიკური განვითარების დაბრკოლება სქესობრივი ნიშნით.
ფემიციდის უმეტესი შემთხვევა ჩადენილია პარტნიორის ან ყოფილი პარტნიორის მიერ და ამ ყველაფრის წინაპირობა ხშირ შემთხვევაში ოჯახური ძალადობა, მუდმივი შეურაცხყოფა, მუქარა, დაშინება ან ისეთი სიტუაციებია, სადაც ქალებს მათ პარტნიორზე ნაკლები რესურსი აქვთ, რითაც მამაკაცები მანიპულირებენ და მათზე ეკონომიკურად ძალადობენ.
ფემიციდის შედეგები ძალიან მძიმეა, განსაკუთრებით მაშინ, როცა შემთხვევები გახშირებულია. ეს შედეგები გავლენას ახდენს არა მხოლოდ მსხვერპლის ახლობელ, არამედ სრულიად უცხო ქალებსა და გოგონებზეც, რომლებსაც ინფორმაცია სხვადასხვა საშუალებით მიეწოდებათ. ისინი განიცდიან მწუხარებას, დეპრესიას, შეიძლება გაუარესდეს მათი ჯანმრთელობის მდგომარეობა, გახდნენ ნაკლებად პროდუქტიულები, რაც ხელს შეუშლით სწავლასა და მუშაობაში.
ფემიციდს ხელი კონკრეტული ქეისების მედიაში არასწორად გაშუქებამაც შეიძლება შეუწყოს, რასაც მოჰყვება ხოლმე მთელი სერია სასტიკი დანაშაულების. ამიტომ საჭიროა განსაკუთრებული სიფრთხილე და საზოგადოების ჩართულობა ქალების ნებისმიერი ფორმით ძალადობისგან დასაცავად.
წყარო: europarl.europa.eu
