უკრაინის სამხედრო დაზვერვის ცნობით, რუსეთის სამხედრო ინტერვენციაში ჩეჩნეთის რესპუბლიკიდან მონაწილეობდა დაახლოებით 2500 მებრძოლი ე.წ. "კადიროველები", რომლებმაც მოჩვენებითი წრთობის საბრძოლო სულისკვეთებისა და აღჭურვილობის მიუხედავად, საბრძოლო მოქმედების ზონის მიღმა საკმაოდ დიდი ზარალი განიცადეს. 2500 დაქირავებულიდან ასი დაიღუპა, დაახლოებით სამასი დაიჭრა, ხოლო 60-ზე მეტმა იარაღი და საბრძოლო მასალა დაყარა და უკრაინიდან გაიქცა", - ნათქვამია უკრაინის სამხედრო დაზვერვის ცნობაში, რომელსაც საინტერნეტო გამოცემა "ევროპეისკა პრავდა" აქვეყნებს.
უკრაინის დაზვერვა თავის ანგარიშშ შეახსენებს, რომ კადიროვის ბოევიკები უკრაინაში მოქმედებენ შეტევის მეორე ეშელონში, რომლებიც დაკავებული არიან სახლების ჩხრეკით, მძევლებისა და მშვიდობიანი მოსახლეობის დაცინვითა, აწიოკებითა და ძარცვით.
მოგვიანებით, "კადიროველებს" უბრძანეს შეეჩერებინათ ფრონტიდან გაქცეული რუსეთის დანაყოფები და დემონსტრაციულად გაეხსნათ ცეცხლი მათთვის, ვინც ბრძოლაზე უარი თქვა.
ახლა ჩეჩნეთიდან ჩასული ოკუპანტები გადავიდნენ ლუგანსკისა და მარიუპოლის მიმართულებებზე, სადაც აგრძელებენ ძალმომრეობას და TikTok-ისთვის საკუთარი "გმირობის" შესახებ უამრავ ვიდეორგოლს იღებენ.
რუსი ჟურნალისტები ირწმუნებიან, რომ ჩეჩნეთის ხელმძღვანელის, რამზან კადიროვის დაქვემდებარებაში მყოფი დანაყოფები ყოველდღიურად დიდ ზარალს განიცდიან დაღუპულებისა და დაჭრილების სახით, მაგრამ დანაკარგები კარად იმალება პიარ ტექნოლოგიებით.
ცოტა ხნის წინ, სეპარატისტული "დონეცკის სახალხო რესპუბლიკის" ყოფილმა ლიდერმა, იგორ სტრელკოვმა (გირკინი) ჩეჩნურ ქვედანაყოფი და ჩეჩნეთის მეთაური, რამზან კადიროვი, უკრაინის პატარა ქალაქ პოპასნაიას აღებასთან დაკავშირებით პიარში დაადანაშაულა.
სტრელკოვის თანახმად, ჩეჩნეთის ლიდერის განცხადების მიუხედავად, კადიროვის ერთგულ ქვედანაყოფებს არავითარი კავშირი არ აქვთ ამ დასახლებული პუნქტის დაპყრობასთან.
