პოპულიზმისა და ქსენოფობიის ხელშეწყობა – ეს არ არის საფრანგეთი, – ამის შესახებ საფრანგეთის მოქმედმა პრეზიდენტმა ემანუელ მაკრონმა მხარდამჭერებთან გამოსვლისას განაცხადა, მას შემდეგ რაც, ეგზიტპოლების თანახმად, ცნობილი გახდა, რომ საპრეზიდენტო არჩევნების მეორე ტურში მისი მოწინააღმდეგე მარინ ლე პენი იქნება.
მან მადლობა გადაუხადა მათ, ვინც ხმა მისცა.
ის ფრანგ ამომრჩევლებს სთხოვს, მისცენ ხმა, რათა ხელი შეუშალონ ულტრამემარჯვენეებს ხელისუფლების ხელში ჩაგდებაში.
მაკრონის თქმით, ჯერ არაფერია გადაწყვეტილი.
„დებატები, რომელსაც ჩვენ ვაპირებთ მომდევნო ორ კვირაში, გადამწყვეტი იქნება ჩვენი ქვეყნისთვის და ევროპისთვის“, – მიმართა მან თავის მხარდამჭერებს თავის საარჩევნო შტაბში და მოუწოდა „არ დაიშურონ ძალისხმევა“ ამომრჩევლების მოსაზიდად.
„მე მჯერა ჩვენი ყველას, განურჩევლად წარმომავლობისა, რწმენისა“, – განაცხადა მაკრონმა.
მხარდამჭერებისადმი მოკლე მიმართვა მან დაასრულა სიტყვებით: “თქვენი იმედი მაქვს. არაფერია გადაწყვეტილი”.
ეგზიტპოლების თანახმად, საფრანგეთის საპრეზიდენტო არჩევნების პირველ ტურში ემანუელ მაკრონმა ხმების 28.1% მიიღო, ხოლო მარინ ლე პენმა 23.3%. საფრანგეთში საპრეზიდენტო არჩევნების მეორე ტური 24 აპრილს გაიმართება.
