ამსტერდამის მერი ფემკე ჰალსემა თბილისის მერს კახი კალაძეს მოუწოდებს, “ღირსების მარშის” თბილისში უსაფრთხოდ ჩასატარებლად ყველა ზომა გაატაროს. წერილი, რომელიც 1 ივლისით არის დათარიღებული, ამსტერდამის პრაიდის ელჩმა ჰანს ვერხოვენმა გაასაჯაროვა.
“ლგბტ აქტივისტების მამაცმა ჯგუფმა თბილისიდან გამოიჩინა ინიციატივა, ჩაეტარებინათ პრაიდი თქვენს ქალაქში 1-დან 5 ივლისამდე. პროგრამის ფარგლებში 5 ივლისს გათვალისწინებულია მარშის ჩატარება.
წლების განმავლობაში ამსტერდამში პრაიდი მნიშვნელოვანი ღონისძიებაა ლგბტ საზოგადოების ხილვადობის გასაზრდელად. ხილვადობით ლგბტ საზოგადოების პოზიციის გააზრება მოხდა და საზოგადოება პოზიტიურად შეცვალა. დარწმუნებული ვარ, პრაიდი და მარში შესაძლებელია გახდეს ასეთივე ცვლილების დასაწყისი თქვენს ქვეყანაში. ცვლილებს, დარწმუნებული ვარ, თქვენ, როგორც თბილისის ყველა მოსახლის მერი, მიესალმებით.
მოგიწოდებთ, მიიღოთ ყველა შესაბამისი ზომა, რომ ლგბტ აქტივისტებისთვის შესაძლებელი გახდეს უსაფრთხო და დაცულად შეუერთდნენ ღირსების მარშს. მთავრობას აქვს ყველა საშუალება, რომ იყოს ეს ღონისძიება უსაფრთხო. ის, რაც ამას ძალიან ეხმარება არის საჯარო განცხადებები, რომ იქნება ყველა საშუალება გამოყენებული პრაიდის უსაფრთხოებისთვის. მივესალმები და დავაფასებ ასეთ განცხადებას თქვენგან.
5 ივლისს ღირსების მარშს ევროკავშირის სხვა მოქალაქეებთან ერთად დაესწრება ამსტერდამის პრაიდის ელჩი ჰანს ვერხოვენი. ველოდებით მის ანგარიშს ამსტერდამში დაბრუნების შემდეგ და ვიმედოვნებ, რომ ამ ანგარიშში საუბარი იქნება წარმატებულ, მშვიდობიან და უსაფრთხო პრაიდზე”.
პრაიდის კვირეული საქართველოში 1 ივლისს დაიწყო.
