"რუსთავის კლინიკაში" ვაქცინაციის პროცესი განახლდა. როგორც კლინიკის წარმომადგენელმა რადიო თავისუფლებას უთხრა, დღეს რეგისტრირებული ყველა მოქალაქე, ხარვეზის აღმოფხვრის შემდეგ აიცრა.
ვაქცინაცია 15:00 საათიდან განახლდა.
კლინიკის წარმომადგენლის ინფორმაციით, ვაქცინის დოზების მიწოდება ჯანდაცვის სამინისტროს მხრიდან დაგვიანდა - შეკვეთა ვაქცინების საჭიროებაზე პარასკევს გააგზავნეს, თუმცა ორშაბათ დილით მათ საჭირო მარაგების შევსება ვერ შეძლეს. ახლა კლინიკას 300 დოზა ვაქცინა აქვს და "სინოფარმის" ვაქცინის მეორე დოზაზე ადგილების თითქმის ნახევარი თავისუფალია.
"რუსთავის კლინიკაში", სადაც "სინოფარმის" ვაქცინის მეორე დოზის გასაკეთებლად რეგისტრირებული მოქალაქეები მივიდნენ, აღმოაჩინეს, რომ მათთვის საკმარისი ვაქცინის მარაგი კლინიკას არ ჰქონდა.