პოლიციამ ათასზე მეტი ადამიანი დააკავა რუსეთში ნავალნის მომხრეთა საპროტესტო გამოსვლების დროს
ОВД-Инфо-ს ცნობით, რომელიც თვალყურს ადვნებს პოლიტიკური საპროტესტო გამოსვლების მონაწილეთა და აქტივისტების დაკავებებს, იტყობინება, რომ მოსკოვის დროით 22:30 საათისთვის მთელ რუსეთში დაკავებულთა რიცხვა ათასს გასცდა.
იმ დღეს, როცა რუსეთის პრეზიდენტი, ვლადიმირ პუტინი, თავისი ყოველწლიური გამოსვლით წარდგა პარლამენტის გაერთიანებული სხდომის წინაშე, ვლადივოსტოკიდან მოსკოვამდე, არაერთ ქალაქში, გაიმართა საპროტესტო გამოსვლები, რომლებისკენ ხალხს მოუწოდა ნავალნის ანტიკორუფციულმა ფონდმა. რუსეთის მთავრობას სურს ფონდის ექსტრემისტულ ორგანიზაციად მიჩნევა და დახურვა.
მოსკოვში პოლიციამ გადაკეტა მანეჟის მოედანი, სადაც უნდა შეკრებილიყვნენ ნავალნის მომხრეები. შეკრებები გაიართა ქალაქის სხვა არეალებში.
შინაგან საქმეთა სამინისტროს თანახმად, აქციაში ექვსი ათასი ადამიანი მონაწილეობდა. ტელეარხ „დოჟდის“ თანახმად, მოსკოვში გამოსულ დემონსტრანტთა რიცხვი ათი ათას აღწევდა, როცა "Открытые медиа-"მ 25 ათასი დაასახელა, ხოლო Белый счётчик"-მა 20-25 ათასი.
პოლიციამ დააკავა რამდენიმე ადამიანი, მაგრამ აქცია არ დაშალა იანვრისა და თებერვლის აქციებისგან განსხვავებით.
აქციებში მონაწილეობდნენ ნავალნის ოლჯახის წევრები, ცოლი - იულია, ძმა - ოლეგი, ასევე ცნობილი რეპ-მომღერლები.
პეტერბურგში პოლიციამ გადაკეტა სასახლის მოედანი, რის გამოც ხალხი შეიკრიბა ისაკის ტაძრის წინ და იქიდან გამართა მსვლელობა. მოსკოვისგან განსხვავებით, იქ პოლიცია მკაცრად მოქმედებდა, დაკავებულია რამდენიმე ათეული ადამიანი.
ნიჟნი ნოვგოროდში დააკავეს რუსეთის მეცნიერებათა აკადემიის აკადემიკოსი, გამოყენებითი ფიზიკის ინსტიტუტის დირექტორის მოადგილე, ეფიმ ხაზანოვი, რომელიც განყოფილებაში წაიყვანეს და შეადგინეს ოქმი ადმინისტრაციული დარღვევის - არასანქცირებულ აქციის ორგანიზების გამო. ხაზანოვს, რომელმაც ორი წლის წინ სახელმწიფო პრემია მიენიჭა მეცნიერებასა და ტექნოლოგიაში, „გრავიტაციული ტალღების რეგისტრაციის პრობლემების ფუნდამენტური საფუძვლების შექმნის და ინსტრუმენტული გადაწყვეტისთვის“, ბრალდება ფეისბუკით ალექსეი ნავალნის მომხრეთა აქციების გამოქვეყნუბლი პოსტის თავისი მხრივ გავრცელება.
ასევე მოსკოვში დააკავეს რუსეთის სახელმწიფო სათათბიროს ყოფილი დეპუტატი, ვლადიმირ რიჟკოვი იმავე ადმინისტრაციული მუხლით. ნავალნის პრესმდივანს, კირა იარმიშს, უკვე მიუსაჯეს ათ დღიანი ადმინისტრაციული სასჯელი. არასანქცირებული აქციის ორგანიზებისთვის. მისი ანგარიშებიდან მართლაც გავრცელდა საპროტესტო აქციებზე გამოსვლისკენ მოწოდება, მაგრამ მას, როგორც ე.წ სანიტარული საქმისთვის შინა პატიმრობაში მყოფს, აკრძალული აქვს ინტერნეტით სარგებლობა და მის ანგარიშებს განაგებენ მისი მომხრეები. 21 აპრილის საღამოს გაათავისუფლეს ნავალნის კიდევ ერთ მომხრე, ლიუბოვ სობოლი.