მედიაში გავრცელებული ცნობებით, აღმოსავლეთ უკრაინაში აფეთქდა ბომბი, რომელიც დამონტაჟებული იყო რუსეთის მიერ მხარდაჭერილი სეპარატისტის მანქანაზე, რასაც მისი დაჭრა მოჰყვა.
რუსეთის საინფორმაციო სააგენტოები წერენ, რომ ეს არის სერგეი პოპოვი, რომელიც დონეცკის რეგიონის სეპარატისტების მიერ კონტროლირებულ მონაკვეთში ხელმძღვანელობს პოლიციის დანაყოფს. არაღიარებულ რეგიონულ ადმინისტრაციასთან დაკავშირებული საინფორმაციო უწყებები წერენ, რომ პოპოვის მანქანის ქვეშ ბომბი აფეთქდა ქალაქ გორლივკაში, 15 თებერვალს. ამ ცნობების თანახმად, დაჭრილის კოდური სახელია "დოლგი" და ის ხელმძღვანელობს "დონეცკის სახალხო რესპუბლიკის სახალხო მილიციის" ბატალიონს.
დაჭრილის მდგომარეობა ჯერჯერობით უცნობია. თავდასხმაზე პასუხისმგებლობა არავის უკისრია, ინციდენტი არც უკრაინის მთავრობის წარმომადგენლებს დაუდასტურებიათ.
დონეცკის სახალხო რესპუბლიკა ერთ-ერთია ორი ადმინისტრაციული წარმონაქმნიდან, რომლებიც აღმოსავლეთ უკრაინაში მთავრობის ფუნქციებს ხელმძღვანელობენ და რომლებსაც წლებია აკონტროლებენ რუსეთის მიერ მხარდაჭერილი სეპარატისტები. მათ უფლებამოსილებას არ აღიარებს კიევი.
