ახალი პარტიის „გირჩი - მეტი თავისუფლების“ თავმჯდომარე, ზურაბ ჯაფარიძე, სოციალურ ქსელში ე.წ. ივენთის (ღონისძიების) შესახებ ინფორმაციას აქვეყნებს და 31 დეკემბრის ღამეს, მოქალაქეებს საკუთარ დაბადების დღეზე ეპატიჟება.
„ჯერ სახლში, მერე ჯაფარასთან“ - ასე ჰქვია ღონისძიებას, რომელიც 31 დეკემბრის ღამეს, რიყეზე მდებარე ერთ-ერთ კლუბში უნდა გაიმართოს, მუსიკალურ გაფორმებას კი უზრუნველყოფენ დიჯეები:
"რადგან მინდა, რომ ბევრნი მესტუმროთ, ყველამ ვეცადოთ დავიცვათ კოვიდპანდემიის პირობებში რეკომენდებული უსაფრთხოების წესები. გისურვებთ ბედნიერ ახალ წელს და ბევრ ჯანმრთელობას", - წერია ზურაბ ჯაფარიძის ფეისბუკის ივენთის აღწერაში.
საქართველოში კორონავირუსის გავრცელების პრევენციისათვის დაწესებულია შეზღუდვები, მოქმედებს ე.წ. კომენდანტის საათი. თუმცა, საკოორდინაციო საბჭოს გადაწყვეტილებით, გამონაკლისი წესდება ორ - 31 დეკემბრისა და 6 იანვრის - ღამეზე.