საკოორდინაციო საბჭოს გადაწყვეტილებით, შეზღუდვების ერთი ნაწილი, რომლის მოხსნაც 24 დეკემბრისთვის იყო დაანონსებული, არ მოიხსნება. ახალი წესები 24 დეკემბრიდან 2 იანვრის ჩათვლით იმოქმედებს.
შეზღუდვები, რომელიც იხსნება:
თბილისში, რუსთავში, ქუთაისში, ბათუმში, გორში, ზუგდიდში, ფოთსა და თელავში სავაჭრო ობიექტები იმუშავებენ:
მაღაზიების სამუშაო საათები განისაზღვრება დილის 07:00დან 19:00 საათამდე; მომხმარებელების სავაჭრო სივრცეში დაშვება უნდა მოხდეს ნაკადების მკაცრი მართვით, რისთვისაც: მაღაზიის ფართის ყოველ 20მ2 დაიშვება არაუმეტეს ერთი მომხმარებელი მაღაზიების როგორც შიდა, ასევე მაღაზიის გარე სივრცეში უნდა მოხდეს მომხმარებელთა რიგების მართვა ტანსაცმლის მაღაზიებში არ იმუშავებენ გასახდელები მაღაზიებმა უნდა დაუშვან პროდუქციის დაბრუნება ან გადაცვლა ერთი თვის განმავლობაში და ეს უნდა მოხდეს მხოლოდ 1 თებერვლის შემდეგ სავაჭრო ცენტრებში იკრძალება კვების ობიექტების ფუნქციონირება, მათ შორის გადატანის სერვისით ყველა სივრცეში და მაღაზიის გარეთ რიგებში დაცული უნდა იყოს სოციალური დისტანცია და პირბადეების სწორად ტარების მოთხოვნები აღნიშნულზე სრული პასუხისმგებლობა ეკისრება სავაჭრო ობიექტების ადმინისტრაციას ნებისმიერი დარღვევის დადგენის შემთხვევაში ობიექტების მიმართ გამოყენებული იქნება კანონით დადგენილი ყველა ღონისძიება, როგორც დაჯარიმება, ასევე საქმიანობის შეჩერება.
შეზღუდვა, რომელიც ემატება:
სასტუმროებს, რომლებსაც დამსვენებლები ჰყავდათ, ეკრძალებათ 21:00 საათის შემდეგ რესტორნის სივრცის ამუშავება. ამ დროიდან დაშვებული იქნება მხოლოდ ნომერში მომსახურების სერვისი.
შეზღუდვები, რომელიც არ იხსნება:
თბილისში, რუსთავში, ქუთაისში, ბათუმში, გორში, ზუგდიდში, ფოთსა და თელავში კვლავ არ იმოძრავებს საზოგადოებრივი ტრანსპორტი; ქვეყანაში გაჩერებული იქნება საქალაქთაშორისო ტრანსპორტის მოძრაობა; ბაზრობები არ გაიხსნება; რესტორნები და კვების ობიექტები ქვეყნის მასშტაბით აგრძელებენ მუშაობას მხოლოდ გატანის სერვისზე.
მკაცრი შეზღუდვები საქართველოში 28 ნოემბრიდან მოქმედებს.
