საარჩევნო კოდექსში ცვლილებების განხორციელების პროცესი 2019 წლის ზაფხულში დაიწყო და დღემდე მასში რეალურად ბევრი რამ შეიცვალა, - განაცხადა „საერთაშორისო გამჭვირვალობა-საქართველოს“ პროგრამის ხელმძღვანელმა ლევან ნატროშვილმა რადიო თავისუფლების „დილის საუბრებში“ სტუმრობისას. მისი თქმით, პროცესს თავს ამ ხნის მანძილზე ბევრი პერიპეტია გადახდა ( პროპორციული არჩევნების დაპირება, ამ დაპირების შეუსრულებლობა და სხვა) და საბოლოო ჯამში დასრულდა საკონსტიტუციო ცვლილებებითა და საარჩევნო კოდექსის ცვლილებების პაკეტის დამტკიცებით.
