ევროკავშირი შეშფოთებას გამოხატავს საქართველოზე კიბერშეტევის გამო
ევროკავშირი და მისი წევრები გამოხატავენ შეშფოთებას ამ კიბერთავდასხმის გამო, რამაც აჩვენა კიბერსივრცის უსაფრთხოებისა და სტაბილურობის მიმართ უპატივცემულობა, და რომელიც „ძირს უთხრის პოლიტიკურ, სოციალურ და ეკონომიკურ სარგებლობას, რაც მოაქვს ინტერნეტსა და საინფორმაციო და საკომუნიკაციო ტექნოლოგიების გამოყენებას“.
დღეს, წერია ევროკავშირს განცხადებაში, ბლოკი და მისი წევრები გმობენ კიბერთავდასხმას და გააგრძელებენ საქართველოსთვის დახმარების გაწევას კიბერმედეგობის გამყარებაში. „ჩვენ შეშფოთებული ვართ უპასუხისმგებლო და მადესტაბილიზებელი მოქცევის გამო კიბერსივრცეში და კვლავაც ყურადღებას დავუთმობთ გამოწვევებს, რომლებსაც კიბერსივრცე აწყდება საშინაო და ასევე საგარეო და უშიშროების მიმართულებით“, აცხადებს ევროკავშირი და თავის წევრებთან ერთად გამოდის მოწოდებით, საერთაშორისო თანამეგობრობის მიმართ, გააგრძელოს თანამშრომლობა გლობალური, ღია, მყარი, მშვიდობიანი და უსაფრთხო კიბერსივრცის სასარგებლოდ, სადაც სრულად არის დაცული ადამიანის უფლებები, ფუნდამენტური თავისუფლებები და კანონის უზენაესობა.