ტრამპი უარყოფს როგორც დეზინფორმაციას, გავრცელებულ მტკიცებას, რომ რუსეთი 2020 წლის არჩევნებში ერევა

აშშ-ის პრეზიდენტმა, დონალდ ტრამპმა უარყო როგორც დეზინფორმაცია აშშ-ის დაზვერვის ოფიციალური თანამშრომლის მიერ გავრცელებული მტკიცება, რომ რუსეთის 2020 წლის საპრეზიდენტო არჩევნებში ჩაერია, რათა დახმარებოდა მას კვლავ არჩევაში.


ტვიტერით ტრამპის მიერ 21 თებერვალს გავრცელებულ პოსტში წერია, რომ „ ეს არის დეზინფორმაციის კიდევ ერთი კამპანია ... რომელიც დემოკრატებმა წამოიწყეს კონგრესში“.




 


 იმავე დღეს რუსეთის კრემლის წარმომადგენელმა, დმიტრი პესკოვმა ეს ცნობები უარყო, როგორც „პარანოიდული განცხადებები“. „მათ სიმართლესთან არფერი აქვთ საერთო", თქვა პესკოვმა.



„ნიუ იორკ ტაიმსმა“, „ვაშინგტონ პოსტმა“ და „ასოშიეიტედ პრესმა“ ცალ-ცალკე გაავრცელეს ცნობა, რომ აშშ-ის დაზვერვის თანამშრომლების მიერ გაფრთხილება გამოითქვა დახურულ კარს მიღმა გამართული ბრიფინგის დროს 13 თებერვალს. ისინი იმოწმებდნენ ორ ოფიციალურ პირს, რომლებიც ბრიფინგზე ნათქვამს იტყობინებოდნენ და არ სურდათ ვინაობის გამხელა.

 

„ტაიმსი“ წერდა, რომ ბრიფინგმა გააბრაზა ტრამპი, რომელმაც თქვა, რომ დემოკრატებს ბრიფინგის მის წინააღმდეგ გამოყენება სურთ.



აშშ-ის დაზვერვის უწყებებმა დაასკვნეს, რომ 2016 წლის არჩევნებში რუსეთი ჩაერია სოციალურ მედიაში კამპანიების გზით. რუსეთმა უარყო ჩარევა.