შინაგან საქმეთა სამინისტროს ცნობით, კახეთში, საგარეჯოს რაიონის სოფელ იორმუღანლოში დააკავეს 44 წლის მამაკაცი, რომელიც არასრულწლოვან შვილს ქორწინებას აიძულებდა. დანაშაული 2-დან 4 წლამდე ვადით თავისუფლების აღკვეთას ითვალისწინებს. პოლიციის ცნობით, მამა გოგონას ქორწინებას „მისი ნების საწინააღმდეგოდ, ფსიქოლოგიური ზემოქმედების გზით, გენდერული დისკრიმინაციის მოტივით“ აიძულებდა. მშობლების მიმართ შემაკავებელი ორდერია გამოწერილი, გოგონა კი გადაყვანილია თავშესაფარში.