სომხეთის ექსპრეზიდენტს უარი ეთქვა გირაოზე

ერევნის ერთ-ერთმა სასამართლომ გირაოთი გათავისუფლებაზე უარი უთხრა ყოფილ პრეზიდენტს, რობერტ ქოჩარიანს, რომელსაც ბრალად ედება საკონსტიტუციო წესრიგის დამხობა. 


სასამართლოს 20 სექტემბრის გადაწყვეტილებას სამი დღით უსწრებდა წინ მოსამართლის მხრიდან ქოჩარიანის ადვოკატების შუამდგომლობის უარყოფა, მისი წინასწარი პატიმრობიდან გათავისუფლების შესახებ. ადვოკატების შუამდგომლობა ეფუძნებოდა საკონსტიტუციო სასამართლოს მიერ 4 სექტემბერს მიღებულ გადაწყვეტილებას, რომელმაც არაკონსტიტუციურად მიიჩნია მუხლი, რომლითაც სამართალდამცველებმა ისარგებლეს 65 წლის ექსპრეზიდენტის დასაკავებლად და გასასამართლებლად. ქოჩარიანის დაცვის გუნდს უკვე გასაჩივრებული აქვს 17 სექტემბრის გადაწყვეტილება, და კიდევ 10 დღე აქვს საიმისოდ, რომ სასამართლოს ეს უკანასკნელი გადაწყვეტილებაც გაასაჩივროს. 


ისევე, როგორც წინა გადაწყვეტილებების დროს, 20 სექტემბერსაც სასამართლოს შენობის წინ აქციებს მართავდნენ ქოჩარიანის მომხრე და მოწინააღმდეგე მოქალაქეები, პოლიციის ძალების თანდასწრებით. 


ქოჩარიანისთვის და კიდევ სამი ყოფილი მაღალჩინოსნისთვის წაყენებული ბრალდებები უკავშირდება 2008 წლის მარტში მიღებულ გადაწყვეტილებას ჯარი გამოეყვანათ ქუჩებში, მას შემდეგ, რაც შეხლა-შემოხლას ემსხვერპლა სულ მცირე 10 ადამიანი, სამართალდამცველების ჩათვლით.