ალბანეთის გემმა 100-ზე მეტი მიგრანტი გადაარჩინა ეგეოსის ზღვაში

ალბანეთის თავდაცვის სამინისტროს კუთვნილმა გემმა ეგეოსის ზღვაში გადაარჩინა 111 მიგრანტი, რომლებიც საბერძნეთში ცდილობდნენ გადასვლას და ისინი თურქეთის ხელისუფლებას ჩააბარა. 


თავდაცვის მინისტრმა ოლტა ჯაჩკამ 21 სექტემბერს ფეისბუკზე დაწერა, რომ თურქეთსა და საბერძნეთს შორის წყლებში, სამი სხვადასხვა ოპერაციის ფარგლებში გადაარჩინეს სირიელი, ერაყელი და პალესტინელი მიგრანტები. მისი თქმით, მიგრანტები 20 სექტემბერს, გვიან საღამოს აღმოაჩინა ევროკავშირის სასაზღვრო დაცვის კუთვნილმა გემმა. 


ალბანეთი 2009 წლიდან ნატოს წევრია და მონაწილეობს ალიანსის საზღვაო მისიაში ეგეოსის ზღვაში.