ეგზიტპოლების თანახმად, უკრაინის არჩევნებში იმარჯვებს ზელენსკის პარტია, „ხალხის მსახური“, თითქმის 44 პროცენტით

ეგზიტპოლების მეტ-ნაკლებად მსგავს შედეგებს აქვეყნებენ სხვადასხვა ორგანიზაციები უკრაინის 21 ივლისის ვადამდელი საპარლამენტო არჩევნების შესახებ.


წარმატებას მიაღწია პრეზიდენტ ვლადიმირ ზელენსკის პარტიამ, „ხალხის მსახურმა“, რომელმაც სხვადასხვა წყაროს თანახმად, 42-44 % მიიმხრო.


დამაჯერებელი შედეგი აჩვენა მედვედჩუკის „ოპოზიციურმა პლატფორმამ“ (გამარჯვებულებს შორის ყველაზე პრორუსულმა ძალამ)- 11,5 %.


საშუალო მაჩვენებელი აქვთ ყოფილი პრეზიდენტის, პეტრო პოროშენკოს „ევროპულ სოლიდარობას“ ( 8-9 %) და ყოფილი პრემიერის, იულია ტიმოშენკოს "ბაკტივშჩინას" (7-8 %).


ვაკარჩუკის „ხმამ“ 6 % მიიმხრო.


ცენტრალური საარჩევნო კომისიის თანახმად, ამომრჩეველთა აქტივობამ დღის ბოლოსთვის 50,09 % შეადგინა.