გიბრალტარში დააკავეს ტანკერი, რომელსაც, ევროკავშირის სანქციების მიუხედავად, სირიაში ნავთობი გადაჰქონდა. ამის შესახებ იუწყება საინფორმაციო სააგენტო „როიტერსი“.
ტანკერი „Grace 1“ დააკავა ბრიტანეთის ფლოტის ხომალდმა. გიბრალტარი სწორედ ბრიტანეთის კუთვნილი ტერიტორიაა.
ადგილობრივი ხელისუფლების ცნობით, ტანკერს გადაჰქონდა 300 ათასამდე ტონა ნავთობი სირიის პრეზიდენტ ბაშარ ალ-ასადი რეჟიმისათვის.
ვარაუდობენ, რომ საწვავი ჩატვირთეს არა ერაყში, როგორც ხომალდის დოკუმენტებშია ნათქვამი, არამედ სპარსეთის ყურეში ირანის ნაპირებთან.
ტანკერი პანამის დროშის ქვეშ ცურავს და მას სინგაპურის კომპანია ემსახურება.
ხომალდის დაკავებას მიესალმა დიდი ბრიტანეთის პრემიერ-მინისტრი ტერეზა მეი. მან შეაქო „გადაჭრით ქმედება“ სირიის მიმართ ევროკავშირის სანქციების დასაცავად.
ბაშარ ალ-ასადის რეჟიმის მიმართ 2011 წლიდან მოქმედებს ევროკავშირის სანქციები.
