კრემლმა განაცხადა, რომ რუსეთისა და აშშ-ის პრეზიდენტები, ვლადიმირ პუტინი და დონალდ ტრამპი, შეხვედრას გამართავენ იაპონიაში, დიდი ოცეულის სამიტის დროს. პუტინისა და ტრამპის შეხვედრა მიმდინარე კვირაში გაიმართება და მასზე საუბარი იქნება შეიარაღების კონტროლზე და მდგომარეობაზე ახლო აღმოსავლეთში, მათ შორის ირანთან დაკავშირებით.
რუსეთის პრეზიდეტის წარმომადგენელმა იური უშაკოვმა მოსკოვში გამართულ ბრიფინგზე ჟურნალისტებს უთხრა, რომ ოსაკაში დაგეგმილი შეხვედრა 28 ივნისს გაიმართება და დაახლოებით ერთ საათს გასტანს.
გუშინ აშშ-ის ადმინისტრაციამ განაცხადა, რომ ტრამპის და პუტინის შეხვედრა ოსაკაში იქნება ნაწილი ტრამპის კერძო შეხვედრებისა რამდენიმე უცხოელ ლიდერთან. აშშ-ის საერთაშორისო ურთიერთობების საბჭოს თავმჯდომარემ, რიჩარდ ჰაასმა განაცხადა, რომ ოსაკის შეხვედრის წარმატებისთვის „არაფერია მომზადებული“. მისი თქმით, მოსკოვსა და ვაშინგტონს შორის ურთიერთობები „ცუდ მდგომარეობაშია“.
