#წადი - ასე ჰქვია ახალ სოციალურ კამპანიას, რომელიც პარლამენტის წინ მიმდინარე საპროტესტო აქციის ორგანიზატორებმა წამოიწყეს. აქციის მონაწილეებსა და საზოგადოებას მათ მოუწოდეს გახსნან თავიანთი ფეისბუკგვერდები და დაწერონ პოსტი #წადი.
აქცია პარლამენტის წინ მეოთხე დღეა გრძელდება. აქციის მონაწილეები ითხოვენ შინაგან საქმეთა მინისტრის გიორგი გახარიას თანამდებობიდან გადადგომას, 20-21 ივნისს დაკავებულთა გათავისუფლებას და არჩევნების პროპორციული საარჩევნი სისტემით გამართვას.
20-21 ივნისს მშვიდობიანი აქცია, რომელიც რუსეთის დუმის დელეგაციისა და საქართველოს მთავრობის მოქმედებების გასაპროტესტებლად დაიწყო, პოლიციამ რეზინის ტყვიებისა და ცრელმსადენი გაზის გამოყენებით დაშალა. დაშავდა ასობით ადამიანი, მათ შორის ორმა დაკარგა თვალი. დაშავდნენ სამოქალაქო პირები, ასევე სამართალდამცველები. დაშავებულებს შორის იყო 31 ჟურნალისტი.
