კიევში ლგბტ უფლებების დამცველებმა უკრაინაში აქამდე უდიდესი გეი პრაიდი გამართეს. ათასობით ადამიანმა გაიარა მარშით ქალაქის ცენტრში. ისინი აფრიალებდნენ ცისარტყელას ფერებიან და უკრაინის სახელმწიფო დროშებს. წესრიგს იცავდა ათასობით პოლიციელი და ეროვნული გვარდიის წევრი. ღონისძიებაში მონაწილეობა მიიღეს დასავლეთის მრავალი ქვეყნის დიპლომატებმა. პრაიდის ორგანიზატორთა თქმით, მასში 8 ათასამდე ადამიანი მონაწილეობდა. შარშან მონაწილეთა რიცხვი 5000-მდე აღწევდა.
პოლიციის ცნობით, დააკავეს ცხრა პირი, რომლებიც გეი პრაიდის მონაწილეთა წინააღმდეგ პროვოკაციებში არიან ეჭვმიტანილი. გეი პრაიდი კიევში 2016 წლიდან ტარდება. პარალელურად აქციებს მართავენ ხოლმე მისი მოწინააღმდეგეები, მათ შორის მემარჯვენე აქტივისტები და რელიგიური ორგანიზაციების წარმომადგენლები.