ქუთაისის მთავარ მოედანზე, მესხიშვილის სახელობის დრამატულ თეატრთან შეკრებილები დღეს გასული დღეების მსგავსად აპროტესტებენ 20-21 ივნისის მოვლენებს და თბილისში, პარლამენტთან მიმდინარე აქციის მონაწილეთა 4 ძირითად მოთხოვნას უერთდებიან. როგორც აქციის მონაწილენი ამბობენ, აუცილებელია გადადგეს შინაგან საქმეთა მინისტრი გიორგი გახარია, აუცილებელია დაისაჯონ ის პოლიციელები და სპეციალური დანაყოფის წევრები, რომლებიც არათანაბარ პირობებში მყოფ აქციის მონაწილეებს გაუსწორდნენ. ქუთაისში შეკრებილები ასევე ითხოვენ 21 ივნისს დაკავებულთა გათავისუფლებას და 2020 წლის არჩევნების პროპორციული სისტემით ჩატარებას.
აქციის მონაწილეები ამბობენ, რომ არ დაიღლებიან და მიზნის მიღწევამდე გააგრელებენ პროტესტის გამოხატვას. აქციაზე შეკრებილთა ნაწილი მიიჩნევს, რომ პროცესებში უნდა ჩაერთონ პოლიტიკური პარტიების წარმომადგენელები, რადგან მოთხოვნებიდან ერთი პუნქტი 2020 წელს არჩევნების პროპორციული სისტემით ჩატარებას გულისხმობს და ეს პროცესი პარტიების გარეშე ვერ წარიმართება.
ქუთაისში გამართული აქციაზე ყველაზე ხშირად ისმის შეძახილები „რუსეთი ოკუპანტია!“