4 ივნისს პრაღაში გამართულ ხალხმრავალ ანტისამთავრობო მიტინგზე გამომსვლელთა შორის იყო არასამთავრობო ორგანიზაცია „საერთაშორისო გამჭვირვალობა - ჩეხეთის" ხელმძღვანელი დავიდ ონდრაჩეკი, რომელმაც ქვეყნის პრემიერ-მინისტრს „ცინიკოსი მტაცებელი“ უწოდა. მაგრამ ჩეხეთში არიან არასამთავრობო ორგანიზაციებიც, - მაგალითად, „ადამიანი გასაჭირში“, - რომლებიც თავს არიდებენ ქუჩის საპროტესტო აქციებს, ცდილობენ იყვნენ კრიტიკულები და, თან, კონსტრუქციულები. რა უბიძგებს არასამთავრობო ორგანიზაციებს საჯარო პროტესტისკენ? სად გადის ზღვარი პოლიტიკურ აქტიურობასა და სამოქალაქო აქტიურობას შორის? ჩვენს შეკითხვებს უპასუხებს სამოქალაქო აქტივისტი ბაია პატარაია, იურისტი.