"თბილისი პრაიდის" ორგანიზატორები სოც-მედიის საშუალებით სპეციალურ განცხადებას ავრცელებენ ბიზნესმენ ვასაძის მიერ თბილისის პატრულირების დაწყებასთან დაკავშირებულ მოწოდებებზე და შინაგან საქმეთა სამინისტროს დაუყოვნებლივ გამოძიების დაწყებას თხოვენ. "თბილის პრაიდის" ორგანიზატორები მიიიჩნევენ, რომ ვასაძის განცხადებები შეიცავს სისხლის სამართლის კოდექსით გათვალისწინებულ განსაკუთრებით მძიმე დანაშაულის (მუხლი 223. უკანონო ფორმირების შექმნა) ყველა ელემენტს, კერძოდ:
ჯგუფი იქმნება იმისთვის რომ, პირის თავისუფლად გადაადგილების უფლება შეზღუდოს ("ქამრებით შევუკრავთ ხელებს და გავიყვანთ ტერიტორიიდან") - განხორციელდეს მისი თავისუფლების უკანონო აღკვეთა (სსკ მუხლი 144),
ქამრები და კომბლები შეიძლება ადამიანის დასაზიანებლად გამოიყენონ,
ეს მიზანი პირდაპირაა გაცხადებული ანუ სახეზეა განზრახვა,
სახეზეა რეალური და მყისიერი საფრთხე.
16 ივნისს, ვერის პარკში შეხვედრაზე ბიზნესმენმა ლევან ვასაძემ სახალხო ლეგიონის შექმნა გამოაცხადა.
მისი თქმით, სახალხო ლეგიონი ათეულებისა და ასეულების გაერთიანებით შეიქმნება და ქალაქში პატრულირებას დაიწყებს. ვასაძე აცხადებს, რომ საპატრულო რაზმების მოხალისეები ქამრებით შეუკრავენ ხელს უმცირესობათა წარმომადგენლებს და გაიყვანენ ტერიტორიიდან.
ეს გეგმა მან "თბილისი პრაიდის" კვირეულის ჩასაშლელად წარმოადგინა.
"თბილისი პრაიდის" კვირეული ლგბტქი თემის და აქტივისტების ნაწილს 18-22 ივნისს აქვს დაგეგმილი
