ასეულ ათასობით ადამიანი გავიდა ჰონგ-კონგის ქუჩებში რეგიონის ლიდერის გადადგომის მოთხოვნით. დემონსტრანტებს სურთ, რომ ასევე გაუქმდეს სადავო კანონპროექტის განხილვა, რომლის განხილვის უვადო გადადგომა მთავრობამ გამოაცხადა მასობრივი გამოსვლების შემდეგ.
ამ კანონპროექტის მიღების შემთხვევაში ხელისუფლებას ქალაქის მცხოვრები მოქალაქეების საკუთრივ ჩინეთში ექსტრადიციის უფლება მიეცემა.
რეგიონის ლიდერმა, კერი ლამმა ბოდიში მოიხადა იმისთვის, რომ კანონპროექტის გამო ასეთი „დავა“ დაიწყო.
აქტივისტების თქმით, 15 ივნისს გამოცხადებული ცნობა, რომ კანონპროექტის გადადება მოხდა, არაა საკმარისი და ლიდერის გადადგომასთან ერთად მოითხოვენ ბოდიშს წინა დემონსტრაციებზე პოლიციის მიერ ძალის გამოყენების გამო.
კანონპროექტის ოპონენტები თვლიან, რომ საკუთრივ ჩინეთში ადამიანის ექსტრადიცია დაუშვებელია, ჩინეთის სასამართლო სისტემაში დამოუკიდებლობის ნაკლებობის და ადამიანის უფლებების დაცვის სფეროში პრობლემების გამო.
პოლიციის თანახმად ერთი დემონსტრანტი დაიღუპა, როცა ის პლაკატის გამოკიდების მცდელობისას, საყრდენიდან ძირს ჩამოვარდა.
ჰონგ-კონგი ჩინეთის საგანგებო ადმინისტრაციული რაიონია, რომელსაც გარკვეულ სფეროებში ავტონომია აქვს მინიჭებული. მას გარანტის აქვს, რომ 1997 წლიდან, 50 წლის განმავლობაში შენარჩუნებული ექნება თავისი სოციალური, იურიდიული და პოლიტიკური სისტემა. ამ ეტაპზე ექსტრადიცია მხოლოდ ჩინეთის იურისდიქციაში ჰონგ-კონგის გადასვლამდე, 1997 წლამდე მიღებული შეთანხმების მიხედვით არის შესაძლებელი. მანამდე მას ბრიტანეთი მართავდა.
