მოსკოვის ცენტრში, სახაროვის გამზირზე გაიმართა მიტინგი ლოზუნგით, „კანონი და სამართლიანობა ყველასათვის“. ეს გამოსვლა შეთანხმებული იყო როგორც აქცია „მედუზის“ ჟურნალისტის, ივან გოლუნოვის მხარდასაჭერად, მაგრამ შემდგომ, მთავარი ლოზუნგი შეიცვალა, იტყობინება РБК. გოლუნოვის მხარდამჭერთა არაერთი აქცია გაიმართა ივნისის დასაწყისში. შემდეგ გოლუნოვი გაათავისუფლეს.
მიტინგზე გამომსვლელები იყვნენ მოსკოვის ჟურნალისტთა კავშირის თავმჯდომარე, პაველ გუსევი, რუსეთის ჟურნალისტთა კავშირის თავმჯდომარე, ვლადიმირ სოლოვიოვი და ტელეარხ RT-ის რედაქტორი, ეკატერინა ვინოკუროვა.
ივან გოლუნოვის მომხრეთა პიკეტების ინიციატორი და ხელისუფლების მიერ განდევნილი მსვლელობის ერთ-ერთი ორგანიზატორი, ილია აზარი გამოვიდა მოწოდებით, არ მისულიყვნენ მიტინგზე და 16 ივნისის შეხვედრას, „ფეიკი“, „დადგმული“, „დღის წესრიგის წართმევა“ და სახალხო აღშფოთებაზე „პასუხის იმიტაცია“ უწოდა.
„მედუზის“ კორესპონდენტის შეფასებით, კვირის გამოსვლაში მონაწილეობდა 600-მდე პირი, უპირატესად სკოლების მოსწავლეები და პენსიონრები. შინაგან საქმეთა სამინიტროს თანახმად, შეხვედრაზე 1600 პირი იყო.
