მანჰეტენზე, ვესტ ვილიჯის ერთ-ერთი საჯარო სკოლის კედელზე დახატული ხუთი იმიგრანტის მონუმენტურ პორტრეტებზე ამერიკაში გურული მოჯირითეების ისტორიის მკვლევარმა, ირაკლი მახარაძემ, გურული მხედრის, მშვიდობაძის სახე ამოიცნო. ამის შესახებ “ამერიკის ხმა” იუწყება.
მშვიდობაძე, ერთერთი იყო ცნობილი ამერიკელი შოუმენის, ბაფალო ბილ ქოუდის მიერ შერჩეული საქართველოს ერთერთი რეგიონის, გურიის ცხენოსნებიდან, რომლებიც აშშ-ში 1893 წელს ჩავიდნენ. გურულები "რუსი კაზაკების" სახელით 30 წელზე მეტ ხანს გამოდიოდნენ ბაფალო ბილის წარმოდგენებში და ცირკებისა და შოუების არენებზე.
ვესტ ვილიჯის მურალი "თავისუფლების ფერების” სერიის ნაწილია და გასულ წელს, ბრაზილიელმა კედლის მხატვარმა ედუარდო კობრამ დახატა. იმიგრანტების სახეები 800 კვადრატულ მეტრზეა დახატული. ედუარდო კობრას ნამუშევარი, დიდი პროექტის ერთი ნაწილია. პროექტი “ელის ალიენდიზე” განთავსებულ იმიგრაციის მუზეუმთან თანამშრომლობით განხორხციელდა. “ელის აილენდი” ეს არის კუნძული, რომლის გავლითაც აშშ-ში 12 მილიონზე მეტი იმიგრანტი ჩამოვიდა. ელისის კუნძულზე საიმიგრაციო სამსახური 1892 წელს გაიხსნა და 62 წლის განმავლობაში, დღეში საშუალოდ, 5 000 იმიგრანტს იღებდა. მათ შორის იყვნენ ქართველი იმიგრანტებიც.
