ირანის მედიის ცნობით, ქვეყნის პრეზიდენტმა ჰასან როჰანი შესაძლებლად მიიჩნევს თეირანის მხრიდან მზადყოფნას გამართოს მოლაპარაკებები, თუ აშშ პატივისცემას გამოავლენს თეირანის მიმართ.
თეირანს ვერავინ აიძულებს მოლაპარაკებას, - მოჰყავს როჰანის სიტყვები ნახევრად ოფიციალურ „ფარსის“ სააგენტოს.
როჰანის მიერ 1 ივნისს გაკეთებული განცხადების ფონია უკიდურესად დაძაბული ურთიერთობა აშშ-სა და ირანს შორის ერთი წლის თავზე მას შემდეგ, რაც ვაშინგტონი გავიდა 2015 წელს მსოფლიოს წამყვან სახელმწიფოებსა და ირანს შორის ხელმოწერილი ბირთვული შეთანხმებიდან, რაც ირანის ბირთვული პროგრამის შემცირების პასუხად სანქციების რეჟიმის შერბილებას ითვალისწინებდა.
გასულ წელს პრეზიდენტმა ტრამპმა კვლავ აამოქმედა სანქციები ირანის წინააღმდეგ, რაც ცოტა ხნის წინ კიდევ უფრო გამკაცრდა. მაისის ტრამპმა მოუწოდა დასავლეთის ქვეყნებს შეწყვიტონ ირანიდან ნავთობის იმპორტი. სულ ბოლოს, ტრამპის ბრძანებით საბრძოლო ავიამზიდი გაიგზავნა რეგიონში და გამოცხადდა, რომ ვაშინგტონი დამატებით ძალების გადაისვრის ახლო აღმოსავლეთში.
