სამი ადამიანი დაშავდა მტკვრის მარცხენა სანაპიროზე მომხდარი ავტოსაგზაო შემთხვევის შედეგად. ბარათაშვილის ხიდთან ერთმანეთს BMW-სა და HONDA-ს მარკის ავტომანქანები შეეჯახა. ინფორმაციას და ფოტოს საზ. მაუწყებლის ვებ გვერდი 1TV.GE ავრცელებს. მომხდარის შედეგად, ორივე ავტომობილის მძღოლი და ერთი მგზავრი დაშავდა.
“რუსეთ-საქართველოს ახალგაზრდული კავშირი”-ს ხელმძღვანელი ირაკლი ყიფიანი, სოციალური ქსელის პირად გვერდზე პოსტს აქვეყნებს: “ერთუჯრედიანი ამება გ.ვაშაძე ითხოვს მოსკოვოს გამზირისთვის სახელის გადარქმევას. მოსკოვში ნამყოფია საერთოდ? Большая Грузинская-ს შესახებ სმენია რამე? სხვა ქუჩებს და რუსეთის სხვა ქალაქებს თავი რომ დავანებოთ” – წერს ყიფიანი.
“ქართველთა მარშმა” ქალაქ თბილისის მერიაში შეიტანა განაცხადი სექტემბრის შუა რიცხვებიდან აღმაშენებლის, რუსთაველის გამზირზე და თავისუფლების მოედანზე საპროტესტო აქციების დაწყების მოთხოვნით. “2017 წლის შემოდგომაზე უნდა დასამრდნენ ქართველი ერის მოღალატეები და მტრები!!! ვიწყებთ სრულ მობილიზაციას!!! ან ჩვენ ან ისინი!!! უფალი გვფარავდეს!!!”,- აღნიშნულია მათ მიერ გავრცელებულ განცხადებაში. წყარო: “პრაიმტაიმი”